Zyra e Planifikimit të Karrierës synon të lehtësojë mundësitë e punësimit të studentëve dhe promovimin e tyre në kompanitë, organizata të ndryshme të interesuara për punëmarrës. Gjithashtu, synon të orientojë studentin në zhvillimin e karrierës, nëpërmjet trajnimeve dhe aktiviteteve sociale, workshopeve, sesioneve informuese etj., për zhvillimin e aftësive të komunikimit, simulime intervistash, apo mundësi internship-i për t’u përshtatur me kërkesat e tregut të punës. Siguron që studentët nga grupe të ndryshme, përfshirë ata me aftësi të kufizuara, të kenë mundësi të barabarta për të zhvilluar karrierën e tyre.

Ofron konsulencë dhe mbështetje për studentët që janë në faza të ndryshme të zhvillimit të karrierës së tyre, duke i ndihmuar ata të identifikojnë mundësitë/aftësitë dhe të krijojnë një plan të qartë karriere.

Krijon një mjedis mbështetës dhe orientues drejt zhvillimit profesional të studentëve, duke u mundësuar atyre të bëjnë zgjedhje të informuara dhe të kenë mundësi më të mira për karrierën e tyre.

Në bashkëpunim me agjentët, kompanitë dhe institucionet punëdhënëse, zyra mundëson pjesëmarrje në panaire pune, intervista me punëdhënësit, ose krijimin e lidhjeve nëpërmjet platformave të karrierës për të lidhur kontakte me punëdhënës dhe për të ndihmuar në lidhjen e tyre me mundësitë e vakancave.

Zyra gjithashtu, organizon trajnime mbi teknikat e kërkimit të punës, të shkrimit të CV-së, Letër Motivimit etj.