Ceremonina e hapjes së vitit akademik 2024-2025

Kolegji Universitar Bedër organizoi sot ceremoninë e hapjes së vitit akademik 2024-2025. 🎓🎉

Të pranishëm në ceremoninë e organizuar në ambientet e universitetit ishin studentët e rinj dhe aktualë, prindër, stafi akademik dhe administrativ, si dhe përfaqësues të institucioneve të ndryshme.

Rektori i Kolegjit Universitar Bedër, Prof. Dr. Gjergj Sinani, gjatë fjalës së tij përshëndetëse shprehu urimet për nisjen e vitit të ri akademik, duke falënderuar stafin për punën dhe duke theksuar se studentët në Bedër do të zhvillohen profesionalisht përmes punës, dijes dhe kërkimit. 📚💡 "Një nga synimet më të mëdha të KU Bedër është zhvillimi dhe konsolidimi përmes mësimdhënies, dijes dhe kërkimit shkencor," u shpreh ai.

I pranishëm ishte edhe Kryetari i Komunitetit Mysliman të Shqipërisë, Z. Bujar Spahiu, i cili përshëndeti studentët dhe të pranishmit e tjerë. “Unë sot rezervoj një urim të veçantë për studentët që nisin vitin e parë në universitetin tonë. Faleminderit që na keni besuar dhe unë ju garantoj se ju do të gjeni këtu një familje vlerash, brenda së cilës do të ndiheni shumë shpejt si në shtëpinë tuaj,” theksoi kryetari.

Me urimet e tyre përshëndetën edhe dekanët e fakulteteve të KU Bedër, si dhe studenti aktual Elion Dautallari, i cili përpos urimeve ndau me studentët edhe eksperiencën e tij. ✨

“Bedër” i uron studentëve dhe stafit vit të mbarë akademik! 📖🎓

Në emër të vlerave!