Krenarë dhe Kuq e Zi!

Në motive festive dhe një seri aktivitetesh gjatë gjithë ditës, Kolegji Universitar Bedër organizoi një ditë kushtuar festave të Nëntorit.

Rektori i KUB, Prof. Dr. Gjergj Sinani uroi studentët dhe theksoi rëndësinë e lirisë duke përmendur se:

“Historia jonë është shpalosje e idesë së lirisë e cila arriti deri në ditët e sotme.”

Më pas Prof.Asoc Ilirjana Kaceli u shpreh se: “Shpallja e pavarësisë përfaqësoi kulmin e përpjekjeve shekullore të shqiptarëve për liri, është dhe mbetet një nga momentet më të rëndësishme në historinë e kombit shqiptar duke simbolizuar aspiratat për liri dhe vetëvendosje.”

Programi vijoi më tej me një program artistik ku studentët interpretuan poezi si ajo e Gjergj Fishtës dhe Agron Tufës. Më tej Kleansa Susaj këndoi këngën “Ti Shqipëri më jep nder” dhe Klevis Hysko mbylli programin me këngë si “Mora Fjalë” dhe “O ju djem që çatë detin.”