Kolegji Universitar Bedër u themelua në prill të vitit 2011 me vendim nr.286, datë 6.4.2011 të Këshillit të Ministrave dhe në tetor nisi vitin e parë akademik. Bedër funksionon si një institucion jofitimprurës, i cili synon të përgatisë brezat e rinj në arsimin e lartë jopublik në Shqipëri. Duke qenë në këtë status, vazhdimisht Bedër mbështet studentët e suksesshëm, të cilët duan të vazhdojnë studimet e larta.

Bedër është i organizuar në 2 fakultete, 6 departamente, 1 qendër kërkimore, duke ofruar mbi 20 programe studimi në nivelin bachelor, master dhe studime profesionale. Kolegji Universitar Bedër ofron edhe 9 programe studimi në nivelin master profesional dhe master shkencor. Gjithashtu ofrojme edhe 4 programe profesionale me kohezgjatje 2 vjeçare.