Programi i studimit Bachelor në “Financë-Kontabilitet” bën të mundur njohjen dhe përditësimin e studentëve me ndryshimet e herëpashershme në Standardet Kombëtare dhe Ndërkombëtare të Kontabilitetit dhe me mënyrën e zbatimit të këtyre standardeve, në procesin e zhvillimeve të shpejta të ekonomisë globale. Ky program studimi ka në fokus transmetimin e njohurive teorike dhe praktike tek studentët, që të përballojnë çdo sfidë në tregun kombëtar dhe ndërkombëtar të punës. Gjuha e programit të studimit “Financë-Kontabilitet” do të jetë anglishtja ndaj edhe kurrikula e programit është e pasur me literatutë bashkëkohore nga autorë të huaj, të cilët janë ekspertë të ekonomisë dhe tregjeve financiare ndërkombëtare. Qëllimi kryesor i këtij programi studimi është të nxjerrë në treg profesionistë me kualifikimin e duhur dhe me njohuritë e nevojshme në fushën e financës dhe kontabilitetit në rang kombëtar dhe ndërkombëtar.

Objektivi kryesor i programit Bachelor në Financë-Kontabilitet është t’u japë studentëve njohuritë e nevojshme bazë në fushën e financë-kontabilitetit, menaxhimit dhe ekonomisë, me qëllim formimin e specialistëve të aftë për të punuar në këto fusha, si specialistë finance dhe kontabiliteti të njësive të vogla e të mesme të sektorit privat dhe publik. Për realizimin e këtyre objektivave, programi parashikon thellime në fusha të tilla si ato të financës, të kontabilitetit, të statistikës, të mikro dhe makroekonomisë, të legjislacionit tregtar, etj.

Sistemi i njohurive, që ofrohet nga ky program dhe aftësitë që fitojnë studentët nëpërmjet tij, u mundësojnë atyre edhe ndjekjen ejë karriere kërkimore, apo akademike, nëpërmjet vazhdimit të studimeve të ciklit të dytë, master i shkencave, ose të një masteri profesional, duke rritur kështu mundësinë e karrierës së tyre profesionale.